Nasayang na pagkakataon.
Papaano kung siya na pala yung taong makakasama mo habang buhay. Yung taong makakasama mo sa hirap at ginahawa. Ngunit yung pagkakataon na yaon ay nasayang lamang.
Wala kang ka-alam-alam na siya na pala. Binalewala mo lang. Hindi mo pinagtuunan ng pansin. Nasilaw ka sa kilig na dulot ng mga katangian na pang-pisikal ng iba at hindi sa kanyang magandang kalooban.
Pero wala na eh. Wala na siya. Lahat naman din kasi ng tao napapagod rin. Lahat ng tao nawawala rin ang nararandaman kung hindi naman napapagtuunan ng pansin.
Huwag lang sana darating yung panahon na mawawala sayo ang kung ano man mayroon ka ngayon tapos bigla mo na lang mapapagtanto na, “Sayang pala siya”. Sana siya pala yung pinahalagahan ko, imbes na ang iba.
Baka dumating pa sa punto na kung kailan na siya masaya sa piling ng iba, dun ka naman eeksena. Baka guluhin mo pa ang kanyang buhay dahil ngayon ka lang nagising sa katotohanan na dapat siya pala.
Pero sabagay, totoo ang kasabihan na “laging nasa huli ang pagsisisi”. Kaya sana, ikaw. Oo, ikaw! Pahalagahan mo naman siya ngayon, malay mo, malay natin. Siya na pala talaga.
(Source: hspy)
